Fjlpqce

Utani ni maneno ya mzaha yenye ukweli ndani yake. Utani kama kipengele kimojawapo cha sanaa na maigizo huonesha uhusiano mwema wa jamii unaowawezesha wanajamii hao kufanyiana maneno ya mzaha na hata kuchukuliana vitu bila kukasirikiana.

Utani unaweza kuwa kati ya mtu na mtu, ukoo na ukoo au kabila na kabila. Katika nchi ya Tanzania umechangia sana kumaliza au kuepusha vita na shari nyingi baada ya makabila adui kuamua kutambuana kama watani, k.mf. Wangoni na Wahehe.

Umuhimu wa utani

• Utani ni sawa na undugu. Mtani ana cheo kikubwa ndani ya jamii husika.
• Kutoa maadili na mafunzo fulani kwa jamii.
• Kuimarisha upendo, umoja, mshikamano na ushirikiano miongoni mwa wanajamii (kujenga undugu). Mtani ndiye mtendaji mkuu wakati wa matukio kama harusi, misiba, na matambiko, pia ndiye mpatanishi katika ukoo.
• Kukuza na kuimarisha mila na desturi za jamii husika.

Hasara za utani

• Husababisha ugomvi katika jamii
• Huleta hasara kwa kuchukuliana vitu bila malipo
• Husababisha kuvunjiana heshima miongoni mwa wahusika

Viungo vya nje[hariri | hariri chanzo]

• Ufafanuzi wa kamusi kuhusu utani katika Wikamusi