François Bailleux mw91 su Ss Nn w X2 T Iim 3 DatZpi
François Bailleux (e walon, Tchantchès Bayeu), c' esteut on scrijheu e walon, mimbe askepieu del SLLW, et si scretaire del prumire seyance disk' a s' moirt.
Il a skepyî e 1817 ey a morou li 14 di djanvî 1866.
Il est rprins dins l' grosse antolodjeye da Piron.
Di s' mestî, il esteut pårlî.
Ådvins
- 1 Ouve pol walon
- 2 Françwès Bailleux, veyou pa Nicolas Lequarré
- 3 Alére
- 4 Hårdêye divintrinne
- 5 Hårdêyes difoûtrinnes
- 6 Sourdants
Ouve pol walon[candjî | candjî l' côde wiki]
Il a ratourné toplin des fåves da Lafontinne e walon. Il a scrît ossu sacwants tchansons e walon.
Il a fwait des rcwerances so l' ortografeye do walon, so l' diccionairaedje, mins co purade so l' eplaidaedje des vîs tecses e walon, inte di zels, les cis do teyåte lidjwès.
Françwès Bailleux, veyou pa Nicolas Lequarré[candjî | candjî l' côde wiki]
Li ci k' dj' a wårdé pol boune betchêye, li pårlî Tchantchès Bailleux, et k' dj' åreu motoit dvou lomer 1' prumî, å respet des siervices sins pareys k' il a rindou al Societé so ene gote pus d' nouv ans k' endè fourit secrétaire, dispoy li prumire seyance disk' å djoû di s' moirt, li catoize di djanvî meye ût cint swessante-shijh.
I n' aveut k' cwarante ans, mins on pout dire k' end aveut viké l' dobe, télmint k'il aveut d' l' exhowe et k' esteut djinti.
Sins neglidjî ses prôpès afwaires, Bailleux ovra d' pîs et d' mwins ostant pol Societé k' po nosse vî lingaedje lu-minme. Tet rcwerant les regues ki li shonnént les meyeus po scrire li walon d' adroet, i trova co l' tins d' ataker on diccionaire walon, di mete e nosse lingaedje ine boune pårt des belès fåves da La Fontaine et di scrire kékès tchansons.
Ons etind co tchanter "Vinez, Mareye", k' est come on nozé bouket d' fleurs, et vos n' dirîz måy ki c'est l' minme pene k' a scrît "Li maladeye da Madame Beldjike, wice ki Bailleux prind plaijhi a disbiyî ses innmis politikes et a lzî dire leu conte avou les pus coixhantès lawes do walon, k' end a portant des metchantes.[1]
Alére[candjî | candjî l' côde wiki]
- Alphonse Le Roy; François Bailleux, étude biographique et critique, BSLLW, 1867, p. 43-76.
- Ulysse Capitaine; bibiografeye da François Bailleux, BSLLW, 1867, p. 77-.
Hårdêye divintrinne[candjî | candjî l' côde wiki]
Si ratournaedje del fåve "Li Coirbå et li Rnåd
Hårdêyes difoûtrinnes[candjî | candjî l' côde wiki]
- (fr) Notule biyografike sor lu scrîte pa Maurice Piron
Ene fåve di Lafontinne ratournêye pa François Bailleux ("Li rinne et l' torea", recitêye pa des efants e 2010, videyo sol tévé waloncåzante, avou l' tecse e rfondou padzo)
Ene fåve di Lafontinne ratournêye pa François Bailleux ("Li rinne et l' torea", recitêye pa des efants e 2010, videyo sol tévé waloncåzante, avou l' tecse e rfondou padzo)Sourdants[candjî | candjî l' côde wiki]
- ↑ Nicolas Lequarré, Spitch do 50inme aniviersaire, Bultin del Societé d' Langue T. 48 p. 10