Abu Dhabi7áN 2mm2mrgeW
An Abu Dhabi (Arabo: أبو ظبي Abū Ẓabī), literalmente, ama nin gazelle) [1] iyo an kabesera asin ikaduwang pinakadakulang siyudad kan Pinagsarong mga Arabong Emirato. Ini namomogtak sa sarong pormadong T na isla nag'iiswil sa Golpo Persiko sa parteng sentral solnopan na kosa. An siyudad na ini igwang mga 896,751 na populasyon kan taon 2009. [2]
An Abu Dhabi eneerokan kan mga importanteng opisina kan gobyerno federal, siya man an tinutukawan kan Gobyerno mismo kan Pinagsarong mga Arabong Emirato asin igdi man naka'estar an pamilya kan Abu Fhabi Emiri y kan presidente mismo kan Emirato. An Abu Dhabi nagparadakula na nanggad bilang sarong kosmopolitan na metropolis. An saiyang marikas na pagtalubo, asin urbanisasyon, kasabay kan halangkaw na mga sweldo kan populasyon, pinagpanday an siyudad sa sarong nangengenot asin gantad na maray na metropolis. Ngonyan an siyudad iyo na an sentro kan pulitika, kultura, komersyo asin industriya kan bilog na nasyon; mala ta an Abu Dhabi sana husto nang naambag nin 56.7% sa GDP (Gross Domestic Product) kan taon 2008..[3][4]
An Abu Dhabi iyo an kwartel kan darakulang mga institusyon sa pinansya arog kan Abu Dhabi Securities Exchange, an Central Bank of the United Arab Emirates asin iba pang mga darakulang multinasyunal na korporasyon. Saro sa dakulang nagproprodukto nin asayti, an Abu Dhabi pighingoa na maglaog sa iba-ibang mga inversion ngane magin pusog an saiyang ekonomiya asin dai nagsasarig sana sa asayti. Orog na, ini nagpapadakula sa serbisyo pinansyal asin sa lado nin turismo. Sinasabi na an Abu Dhabi iyo na pinakamagastong siyudad para sa mga dayong emplyeado, asin ini na an ika-50 pinakahalangkaw sa barakalon.[5] An magasin na Fortune asin CNN sinabi na an Abu Dhabi iyo an pinaka'mayaman na siyudad sa kinaban.[6]
Mga panluwas na takod[liwaton | liwaton an gikanan]
- Municipality of Abu Dhabi City
- Abu Dhabi information portal, abudhabi.ae
- Department of Municipal Affairs Portal, abudhabi.ae
- Abu Dhabi - Wikivoyage
- Plantilya:Dmoz
- 2030 transport master plan, dot.abudhabi.ae
Toltolan[liwaton | liwaton an gikanan]
- ↑ "The secret lives of names". Gulf News. 2007-03-08. http://archive.gulfnews.com/articles/07/03/08/10109658.html. Retrieved on 2008-08-23.
- ↑ United Arab Emirates: largest cities and towns and statistics of their population. World Gazetteer.
- ↑ Gulfnews: Dubai contributes more than 30% of the UAE economy. Archive.gulfnews.com (2009-06-16). Retrieved on 2009-07-16.
- ↑ Gulfnews: Abu Dhabi and Dubai lead in contributions to GDP. Web.dcci.ae. Retrieved on 2009-07-16.
- ↑ "Cost of living — The world's most expensive cities". City Mayors. http://www.citymayors.com/features/cost_survey.html. Retrieved on 2010-08-14.
- ↑ CNN.com
Sarong tamboan an artikulong ini. Makakatabang ka sa Wikipedia sa pagpoon kaining pahina.