Fjlpqce

El partisipio el xe na fórma indefinìa del verbo che ła serve come agetivo verbałe, cioè ła pol conpagnar i nomi propio come che fa i agetivi seben che in realtà ła sipia un verbo vero e propio co tanto de tenpo e vóxe.

Par exenpio in: "camin piturà (m.sg.) de blu , camini piturài de blu (m.pl.) , caxe pituràe (f.pl.) de blu" el partisipio piturà el canbia fórma drio ła fórma del nome ma el xe comunque un verbo (piturar) e l'à anca un tenpo (pasà: che xe stà piturà).

I partisipi i pol èser ativi o pasivi e i pol aver tenpo prexente, pasà o anca futuro ma łe łéngue no łe ga mìa senpre tute quante łe conbinasion.

• El latin l'avéa un pasà (pasivo laudatus o ativo itus), un futuro ativo (laudaturus) e un prexente ativo (laudans)
• L'itałian l'à un pasà (pasivo lodato o ativo viaggiato) e un prexente ativo (il personale viaggiante)
• L'ingléxe el ga un pasà (pasivo written o ativo gone) e un prexente precixo del gerundio (writing, going)
• El vèneto el ga el pasà (pasivo piturà o ativo rivà) e un presente conposto invariàbiłe soło progresivo (drio piturar = che deso el pitura , drio rivar = che riva propio deso) parché par el prexente abituałe o ripetùo e par el futuro cogne far un giro de parołe col "che" rełativo (che riva doman/de sòłito/tuti i dì...)