Nord-Pas-de-Calaisdiae ew Xo 2sp, TWmanth:s ko.f;•&0kt4d5 Qqammaco
| Nord-Pas-de-Calais | |||
|---|---|---|---|
| — Ard ny Frank — | |||
|
|||
 |
|||
| Co-ordnaidyn: 50°28′N 02°43′W / 50.467°N 2.717°W | |||
| Çheer |  Y Rank |
||
| Rheynnyn | Nord Pas-de-Calais |
||
| Meoiraght | Lille | ||
| Reiltys | |||
| - Colught | Coonseil Ardjynagh Nord-Pas-de-Calais | ||
| - Eaghtyrane | Daniel Percheron (PS) | ||
| Eaghtyr | |||
| - Yn clane | 12,414 km² (4,793.1 mi ker) | ||
| Earroo yn phobble (2009) | |||
| - Yn clane | 4,033,197 | ||
| - Glooaght y phobble | 325/km² (841.7/mi ker) | ||
| Cryss hraa | CET (UTC+1) | ||
| - Sourey (TTSL) | CEST (UTC+2) | ||
| ISO 3166-2 | FR-O | ||
| NUTS 2 | FR3 | ||
| Ynnyd-eggey | www.nordpasdecalais.fr | ||
She fer jeh ny 27 ardjyn 'sy Rank eh Nord-Pas-de-Calais (Fockley magh ayns Frangish: [nɔʁ pa də kalɛ] (
eaisht); Ollanish: Noord-Nauw van Calais). T'eh jeant seose jeh 2 rheynn — Nord as Pas-de-Calais. T'eh soit ayns twoaie yn çheer eddyr y Velg 'sy twoaie as 'sy niar, Picardie 'sy jiass, Mooir yn Eeaght 'sy neear as Mooir Hostyn 'sy twoaie. Va'n chooid smoo jeh'n ard ny cooid jeh'n Çheer Injil Yiassagh çheusthie jeh ny Çheeraghyn Injilley. Beggan er veggan, haink yn ard dy ve ny chooid jeh'n Rank eddyr ny bleeantyn 1477 as 1678.
She ard gloo chummaltit t'ayn lesh 323.7 deiney cummal ayns dagh kilomeadar kerrinagh. Ta'n ard 12,400 km2 er eaghtyr as ta ny smoo na kiare millioon cummaltee ayn. Cummaltee valjagh ad 83% jeh lught cummaltit yn ard. She Lille y chaayr smoo as meoiraght, ny preeu-valley, yn ard. She Calais y nah chaayr smoo as eh ny chree laaragh son traght as cohionneeaght eddyr mooar-heer ny h-Oarpey as y Vretyn Vooar raad ta'n Douvyr ny hoie 42 km (26 mi) harrish y vooir; ta Eayninyn Baney yn Douvyr so-akin veih Calais er laa gial braew. T'ad Valenciennes, Lens, Douai, Béthune, Dunkerque, Maubeuge, Boulogne, Arras, Cambrai as Saint-Omer ny baljyn mooarey elley t'ayn.
Cummal
- 1 Çheer-oaylleeaght
- 1.1 Soiaghey
- 1.2 Deyn-oaylleeaght
- 1.2.1 Baljyn
- 1.2.2 Ardjyn baljagh
- 2 Imraaghyn
Çheer-oaylleeaght[reagh | edit source]
Soiaghey[reagh | edit source]
Ta Nord-Pas-de-Calais ny hoie ayns kione twoaie ny Frank. T'eh jeant seose jeh ny rheynnyn Nord as Pas-de-Calais. Myrane lesh shen, t'eh jeant seose jeh ny coondaeghyn shenndeeagh Artois, Boulogne, yn Flandyryn as Hainaut.
T'eh soit eddyr ny linnaghyn dowan-lheead 50°N as 51°N as t'eh goll er sheeyney magh harrish 12,414 km2 dy hallooin, ny 2.35% jeh eaghtyr y Rank. Myrane lesh y chooid elley jeh'n Rank Oarpagh t'eh ny hoie ayns cryss-hraa yn Oarpey Veanagh (UTC+1; UTC+2 rere traa tashtey yn touree).
T'eh çhemmit liorish Mooir yn Eeaght 'sy neear as Mooir Hostyn 'sy twoaie. She Côte d'Opale ("Y Coose Opalagh") yn ennym ta currit er y choose shen as eh 140 km er lhiurid. Er y thalloo ta'n ard goll er çhemmal rish y Velg er feie 350 km veih Bray-Dunes 'sy niar hwoaie shiar yiass gys Anor 'sy niar yiass. 'Sy jiass cha nel yn ard çhemmal agh rish ny rheynnyn Somme as Aisne 'syn ard Picardie.
Deyn-oaylleeaght[reagh | edit source]
Ayns daah buigh, ny ymmylyn baljagh ("couronnes monopolarisées") as ayns daah ruy ny çheshveanyn baljagh ("pôles urbains")
'Sy vlein 2005, va 75% jeh cummaltee yn ard cummal ayns ardjyn baljagh as va ny smoo na fer ass dagh daa 'er cummal ayns baljyn lesh ny smoo na 100,000 deiney.[1] Er 1 Jerrey Geuree 2008, va 4.02 millioon cummaltee 'syn ard.[2]
Baljyn[reagh | edit source]
| Rhenk | Ennym | Rheynn | Earroo yn phobble (2007) | ||
|---|---|---|---|---|---|
| 1 | Lille | Nord | 226,827 | ||
| 2 | Roubaix | Nord | 95,028 | ||
| 3 | Dunkerque | Nord | 92,923 | ||
| 4 | Tourcoing | Nord | 92,389 | ||
| 5 | Calais | Pas-de-Calais | 74,336 | ||
| 6 | Villeneuve-d'Ascq | Nord | 63,844 | ||
| 7 | Boulogne-sur-Mer | Pas-de-Calais | 43,310 | ||
| 8 | Valenciennes | Nord | 42,649 | ||
| 9 | Douai | Nord | 42,461 | ||
| 10 | Arras | Pas-de-Calais | 42,049 | ||
| Farrane-fys: Insee[3] | |||||
Ardjyn baljagh[reagh | edit source]
| Rhenk ayns Nord- Pas-de-Calais |
Rhenk 'sy Rank |
Ennym y valley | Earroo yn phobble (2007) | ||
|---|---|---|---|---|---|
| 1 | 4 | Lille Métropole | 1,163,934 | ||
| 2 | 12 | Douai-Lens | 546,294 | ||
| 3 | 19 | Valenciennes Métropole | 399,144 | ||
| 4 | 34 | Béthune | 268,972 | ||
| 5 | 36 | Dunkerque Grand Littoral | 259,134 | ||
| Farrane-fys: Insee[4] | |||||
Imraaghyn[reagh | edit source]
- ↑ Fiche préparatoire pour l’atelier "Résidentiel et urbanisme" - 2 (PDF) (Frangish). Aarlit ec DREAL er son SRCAE (Jerrey Geuree 2011). Feddynit er 23 Averil 2012.
- ↑ En résumé (Frangish). Insee (2010). Feddynit er 29 Jerrey Souree 2010.
- ↑ Population des villes françaises en 2009 (Frangish). Insee (2009). Feddynit er 8 Mayrnt 2012.
- ↑ Les 30 premières aires urbaines (Frangish). Insee. Feddynit er 28 Jerrey Souree 2010.
Ardjyn ny Frank |
||
|---|---|---|
| France métropolitaine 2015 | Alsace · Aquitaine · Auvergne · Bourgogne · Bretagne · Centre · Champagne-Ardenne · Corse · Franche-Comté · Île-de-France · Languedoc-Roussillon · Limousin · Lorraine · Midi-Pyrénées · Nord-Pas-de-Calais · Basse-Normandie · Haute-Normandie · Pays de la Loire · Picardie · Poitou-Charentes · Provence-Alpes-Côte d'Azur · Rhône-Alpes |  |
| France métropolitaine 2016 | Auvergne-Rhône-Alpes · Bourgogne-Franche-Comté · Bretagne · Centre-Val de Loire · Corse · Grand Est · Hauts-de-France · Île-de-France · Normandie · Nouvelle-Aquitaine · Occitanie · Pays de la Loire · Provence-Alpes-Côte d'Azur | |
| Régions d'outre-mer | Geeaaney Rangagh · Guadeloupe · Martinique · Réunion | |