Fjlpqce

Эдвард Нортан
Edward Norton
Эдвард Нортан на Gen Art Film Festival
Імя пры нараджэньні	Edward Harrison Norton
Дата нараджэньня	18 жніўня 1969
Месца нараджэньня	Бостан, Масачусэтс, ЗША
Альма-матэр	Wilde Lake High School[d] і Ельскі ўнівэрсытэт
Занятак	актор рэжысэр прадусар сцэнарыст апэратар
Гады дзейнасьці	1996—цяпер
Узнагароды	«Залаты Глёбус» (1997)
IMDb	ID nm0001570
Сайт	Edward Norton.org
Эдвард Нортан у Вікісховішчы

Эдвард Нортан (па-ангельску: Edward Norton; нарадзіўся 18 жніўня 1969) — амэрыканскі актор, рэжысэр, прадусар, сцэнарыст ды апэратар, двойчы быў намінаваны на прэмію «Оскар».

Сям'я[рэдагаваць | рэдагаваць крыніцу]

Яго маці Робін, настаўніца ангельскай мовы, памерла ад пухліны мозгу ў 1997 годзе. Яго бацька — Эдвард-старэйшы, былы фэдэральны выканаўца ў адміністрацыі Картэра, зараз працуе ў арганізацыі па ахове гістарычных каштоўнасьцяў. Яго дзед — забудоўшчык Джэймс Роўз (сканаў у 1996 годзе), вядомы сваім фундушам у будаўніцтва горада Калюмбія, штат Мэрылэнд і дапамогай у забудове ўнутранай гавані Балтымора і Бостанскага кірмашу Кўінсі. Яго сястра, Молі Нортан, вучылася ў Ўнівэрсытэце Вашынгтона і Лі.

Біяграфія[рэдагаваць | рэдагаваць крыніцу]

Нортан нарадзіўся ў Бостане, штат Масачусэтс, але вырас у горадзе Калюмбія, штат Мэрылэнд.

У пяць гадоў Эдвард зацікавіўся тэатрам, неўзабаве пачаў займацца ў Арэстэйнаўскай Калюмбійскай школе тэатральнага мастацтва і ў восем гадоў дэбютаваў на сцэне ў мясцовай пастаноўцы.

Нортан скончыў вышэйшую школу Ўайлд Лэйк у 1985 годзе, затым Ельскі ўнівэрсытэт у 1991 годзе са ступеньню бакалаўра па гісторыі. У Елі Нортон па-ранейшаму займаўся тэатрам. Ён наведваў мноства факультэтаў, хоць драматычны ніколі ня быў для яго профільным. Актор Рон Лівінгстан быў яго сакурсьнікам і такім жа самадзейным акторам. Эдвард таксама вывучаў японскую мову і наведваў папулярную школу ангельскай мовы NOVA Group. Адразу пасьля атрыманьня дыплёма, ён адправіўся ў Японію, дзе працаваў у кампаніі свайго дзеда Enterprise Foundation. І толькі празь некалькі гадоў, у 1994 годзе, вярнуўшыся ў Нью-Ёрк, Эдвард вырашыў адмовіцца ад звыклай працы і цалкам прысьвяціць сябе акторскай кар'еры.

Падпрацоўваючы афіцыянтам, Нортан граў на некалькіх тэатральных сцэнах Нью-Ёрка, і ў выніку быў прыняты ў кампанію New York Signature Theater Company, чальцом рады дырэктараў якой ён зьяўляецца ў цяперашні час.

Дэбютам у кіно для Нортана стаў фільм «Першабытны страх» (1996), дзе ён згуляў маладога зьняволенага сацыяпата. За гэтую ролю ён атрымаў прэмію Залаты глёбус і быў намінаваны на прэмію Оскар, як лепшы актор другога пляну. У далейшым яго ня раз намінавалі, у тым ліку і на лепшую мужчынскую ролю за гульню ў фільме аб нэанацыстах «Амэрыканская гісторыя Ікс» і за ўдзел у экранізацыі рамана Чака Паланіка «Байцоўскі клюб».

Апошні час ён гуляў самога сябе ў экспэрымэнтальным камэдыйным тэлесэрыяле «Стэла». Гэтак жа набыў ухвалу крытыкаў за ролю пракажанага караля ў фільме «Царства Нябеснае». У 2000 годзе ён дэбютаваў як рэжысэр, зьняўшы камэдыю «Захоўваючы веру». Сваёй гульнёй у фільме «Ілюзіяніст» 2006 году ён ізноў заслужыў станоўчыя водгукі крытыкаў.

У яго былі блізкія адносіны з акторкамі Сальмай Хаек, Дру Бэрымар і Кортні Лаў, зь якой ён гастраляваў як сэсійны гітарыст у яе групе Hole.

Фільмаграфія[рэдагаваць | рэдагаваць крыніцу]

Актор[рэдагаваць | рэдагаваць крыніцу]

Прадусар[рэдагаваць | рэдагаваць крыніцу]

Рэжысэр[рэдагаваць | рэдагаваць крыніцу]

Сцэнарыст[рэдагаваць | рэдагаваць крыніцу]

Апэратар[рэдагаваць | рэдагаваць крыніцу]

Ганарары[рэдагаваць | рэдагаваць крыніцу]

• Італьянскі крадзеж (2003): $1 000 000
• 25-ая гадзіна (2002): $500 000
• Чырвоны цмок (2002): $8 000 000
• Забіць Смучы (2002): $8 000 000
• Лік (2001): $6 500 000
• Першабытны страх (1996): $50 000

Вонкавыя спасылкі[рэдагаваць | рэдагаваць крыніцу]

Эдўард Нортан — сховішча мультымэдыйных матэрыялаў

• Афіцыйная старонка ^(анг.)