Fjlpqce

Boarische Wikipedia
Logo vo da boarischen Wikipedia
bar.wikipedia.org
Motto	De freie Enzyklopädie
Kommerziäi	naa
Beschreiwung	Online-Lexikon
Registriarung	Option
Sprochn	Boarisch
Eigndima	Wikimedia
Urheba	Wikipedia-Gmoaschaft
Mitglieda	Vorlog:NutzaANZAHL
Status	aktiv

De Boarische Wikipedia is de boarischsprochige Version vo da frein Online-Enzyklopädie Wikipedia. De Wikipedia in boarischa Sproch gibts seit 2006.

Wichtige Vaweise:

→ Hoamseitn (de Startseitn vo da Boarischn Wikipedia)
→ FAQ (haifige Frogn zua boarischn Sproch und zua Boarischn Wikipedia)
→ Tipps fias Mitmocha

Artike[VE | Weakln]

Artiklwachstum in da boarischen Wikipedia (Stand 04.07.2013)

De Boarische Wikipedia hod zu Zeit iwa 28554 Artiken (Stand: 17. August 2019). Damit is de Boarische Wikipedia im Jenna 2017, unta 283 Wikipedien, an 106. Stej gleng. Dabei hod de Boarische Wikipedia im Untaschied zu vui ondan Wikipedien koan oanzign Artike, dea wo vo an Roboter (sog. "Bot") automatisch gschriem worn is. Mea wia 80% vo oin Wikipedien, de wos vua da Boarischn Wikipedia liegn, hom an mea oda weniga hochn Otei an Botartikln (positivs Beispui is de deitschsprochige Wikipedia ebmfois mit 0%; negativs Beispui is de holländische Wikipedia mit an Otei vo 57% Botartikln).^[1].

Zamm mit de Funktions- bzw. Metaseiten hod de Boarische Wikipedia 104.785 Seitn. Zum Aufbaun vo de Seitn san 718.093 Endarunga ("Edits") gmochd worn (ois - Stand: 17. August 2019).

De Artiken mit da häxtn Aufruaffrequenz san (Stand Aprü 2013):

1. Youtube
2. Minga
3. NSDAP
4. Boarisch
5. Vulva

De frequentiatastn Artikln in da östareichischn Sprochvariantn vom Boarischn san:

1. Paradeisa
2. Östareich
3. Wean

De Artikl san in Artiklgruppn zammgfosst, de wo aa Portal hoassn.

Hoamseitn[VE | Weakln]

De frequentiataste Seitn af da Boarischn Wikipedia is - mit Obstand - de Hoamseitn (de Startseitn), gfoigt vo de Letztn Endarunga.

Af da Hoamseitn wean bsondas guade Artikl präsentiat, jede Woch a neia. Nacha gähts aa um boarische Weata, de wo dahoidn wean soin.

Es gibt u.a. aa no a Rubrik fia intressante, externe Links zua Audio-Video-Beispui in boarischa Sproch.

Im Kalendabladdl gähts um boarische Sprich, de wo af da Seitn Boarische Spruchsammlung zammtrogn wean. A Listn, de wo inzwischn zua de 10 frequentiatastn Seitn vo da Boarischn Wikipedia gheat.

Aussadem stengan af da Hoamseitn aa de wichtigstn Vaweise (Links) vo da Boarischn Wikipedia.

Schwestaprojekt[VE | Weakln]

In da Boarischn Wikipedia san - im Untaschied zu vui andan Wikipedien - a poar Schwestaprojekt in de Wikipedia sejm integriad worn. Bessare Ibasichtlichkeit und Effizienz san bei dea Entscheidung im Voadagrund gstandn.^[2]

• A Boarische Spruchsammlung, Namasramm SPRUCH (Wikiquote)
• A Sammlung vo Original-Text, Namasramm TEXT (Wikisource)
• A Boarische Biacharei, Namasramm BUACH (Wikibooks)
• A Boarischs Universalweatabuach , Namasramm WOAT (Wiktionary)
• A Sammlung vo Boarische Sprochnochrichtn, Namasramm NOCHRICHT (Wikinews)

Nutza[VE | Weakln]

De Boarische Wikipedia hod insgsamt 22.511 Nutza (de wo irgendwann aktiv worn), davo san 78 zua Zeit aktiv. Dazua gibts 6 Administratorn und 2 Birokratn (Stand: 7. Juli 2013).

In da Boarischn Wikipedia wean foigande Nutzagruppn untaschiedn:

• Ned ogmejdte Nutza (IPs)
• Ogmejdte Nutza
• Ogmejdte Nutza mit Stimmberechtigung
• Administratorn (Admins)
• Birokratn

Administratorn[VE | Weakln]

Birokratn[VE | Weakln]

Gschicht[VE | Weakln]

→ Wikipedia:Aktuell: Iwablick iwa de Gschicht vo da Boarischn Wikipedia

Am 12. August 2005 um 17 Uhr 06 hod a IP bei Meta-Wiki an Request for new languages fia a Sidtirolerische Wikipedia gstejt^[3]. A, 20. August 2005 hod da Steinbach, a Nutza vo da Limburgischn bWikipedia, untam Nomn Caesarion, ausn Adrog fia de Sidtirolerische Wikipedia an Adrog fia ra Boarische Wikipedia gmocht. Noch heftiga Dischkriererei is de Boarische Wikipedia am 2. Mai 2006 ois Testwiki aufm Meta-Serva online ganga. Am 12. Juni 2006^[4] sand de Seitn dann aufn neia Wikimedia Inkubator vaschom worn. Am 30. September 2006 is schließle da Start unter bar.wikipedia.org erfoigt und am 2. Oktober hod da Import vo de Artike ausm Inkubator stattgfundn.

De easchte Hoamseitn[VE | Weakln]

Hauptsaitn zu de Anfäng vo da boarischen Wikipedia Mitte 2006

Ganz z ofangs hod de Hoamseitn no Hauptsaitn ghoassn. Da easchte Entwurf vo dera Seitn is vom Nutza:Balû easchtejd worn. Des Grund-Layout hod se bis in Mai 2008 ghoitn, wo dann da Nutza:Mucalexx a modernas Layout gmocht hod. Noch no a bor Layout-Änderungen durch den sejm Nutza hod am 31. August 2012 Nutza:Gschupfta Ferdl des no heid vawendte Layout umgsetzt.

Da Nam vo da Einstiegsseitn is easchte Moi am 15. Aprui 2007 durchn Admin Nutza:Lou.gruber gändert worn, der des a in Hauptsaitn auf e zua Hauptseitn obassd hod, um mehr an da Standardsproch zu sei und da Vawendung in de moastn Artike zu entsprecha^[5]. Schließle hod de Hauptseitn am 4. Oktober 2012 ihrn iatzign Nam Hoamseitn kriagt. Nutza:Bua333 hod de Änderung voizong, um nadda am englischn Homepage zu sei^[6].

De easchtn Artike[VE | Weakln]

Da easchte eastejde Artike vo da Boarische Wikipedia war Afrika, den da Nutza:Balû am 2. Mai 2006 kurz nochm Start auf meta oglegt hod.

De easchtn fimf Artike worn:

1. Afrika 2. Mai 2006 6:32 vo Nutza:Balû
2. Amerika 3. Mai 2006 16:39 vo Tropenschnorchler
3. Östareich 4. Mai 2006 13:55 vo Häsk
4. Deitschland 4. Mai 2006 14:18 vo Häsk
5. Asien 4. Mai 2006 19:08 vo Apano

Bis zum Umzug aufn Inkubator sand dann no de foigandn Artike dazukemma:

Bejgien • Boarisch • Eiropa • Eiropäische Union • Frankreich • Geografie • Graz • Großbritannien • Italien • Kolterer Sea • Kristndum • Liachtnstoa • Listn vo de Gemeinden vo Sidtiroul • Naturns • Niedaöstareich • Rechtswissnschoft • Sidtiroul • Windische • Slowenien • Sproch

Insgesamt mit 25 Artike hod so de Boarische Wikipedia im Inkubator gstart. Dortn sand bis zum Umzug in de eigene Domän no a bar Artike dazukemma, so das am 2. Oktober 2006 40 Artike importiert worn sand^[7]. Vo dene sand s zwoa Dobblung und oa Schmarrn-Artike gwen, so dass mit 37 echte Artike losganga is.

Den easchtn Artike im neia Umfejd hod am 2. Oktober 2006 um 8:15 Uhr midm Kartenspui Zwigga da Nutza:Dus eastejd. Bis zum End vom Jar is de Markn vo 100 Artikln grissn worn. A Jar späda warns dann scho iber 1000 Artikl und heid is da Stand bei 28.554.

De easchtn Nutza[VE | Weakln]

Wei de Boarische Wikipedia zeascht ois Untaseitn auf meta.wikimedia.org entstanden is, hom se de easchtn Nutza aa dort omeidn miassn, so das de easchtn Artike olle vo Leit vo meta stamma.

Damois warn an da Boarischen Wikipedia no ned wirkle vui Nutza beteiligt. In da Hauptsoch hom drei Nutza den Start higlegt: Nutza:Melancholie hod wia im Request for language vasprocha se ois easchta Admin drum kimmad, das losgäd. Nutza:Balû hod de easchte Hoamseitn easchtejd und Nutza:Häsk hod ois easchta mehrere Artikl olegt, wia Deitschland und Östareich.

Weis no koa Single-User-Login gem hod, hom se nochm Umzug olle am Inkubator nei omejdn miassn und dessejbe dann an da Domain a nomoi. Nochdems ofangs nur weng Nutza warn, hom se bis Ende 2006 scho 113 Nutza ogmejd ghobt, a wenn nur a bo davo wirkle länga aktiv warn. A Joar drauf sans dann 450 Nutza gwen und heid is de Nutzazoi vor oim wega dem Single-User-Login auf Vorlog:NutzaANZAHL agwochsn, davo owa leider nur Vorlog:AKTIVE Nutza aktive Mithejfa.

Beleg[VE | Weakln]

1. ↑ Wikipedia Statistics: Bot article creations
2. ↑ Wikipedia:Aufruaf zum Dischkurs/Namensräume
3. ↑ Request for new languages fia a Wikipedia in South Tyrolean
4. ↑ Lescheintrog auf Meta@1@2Vorlage:Toter Link/meta.wikimedia.org (Seite nicht mehr abrufbar; Suche in Webarchiven)
5. ↑ Diff: Änderung des Hoamseitn-Nams auf Hauptseitn
6. ↑ Diff: Änderung des Hoamseitn-Nams auf Hoamseitn
7. ↑ Logbuch zum Vaschiam da importierten Artike